Japan Student Visa (Main intakes)

Japan Student Visa (Main intakes)

ජපානයට ප්‍රධාන වශයෙන් intake (කාර්තු) 4 ක් යටතේ student visa apply කිරීමේ හැකියාව තියෙනවා.

සාමාන්‍ය student visa යටතේ ජපානයට පැමිණෙන සිසුන් පළමුව ජපන් භාෂා පාසල් (日本語

学校) වලට ඇතුලත් කරවන අතර එහිදී ඔවුන් උපරිම අවුරුදු 2ක පමණ කාලයක් ජපන් භාෂාව හැදෑරිය යුතුයි.

මෙසේ ජපන් භාෂා පාසලක සිටිය යුතු කාලය ඔවුන් පාසලට ඇතුලත් වන කාර්තුව අනුව වෙනස් වේ.

• April intake -

මෙය ජපන් භාෂා පාසල් වලට සිසුන් ඇතුලත් කරගන්නා ප්‍රධාන කාර්තුව වේ. ජපානයේ අලුත් අවුරුද්දක් ආරම්භ කරන්නේ අප්‍රේල් මාසයෙනි.

එබැවින් පාසල් වලට අලුත් පන්ති සඳහා සිසුන් බඳවා ගනු ලබන්නේ මෙම intake එකටය.

මෙම කාර්තුවට ඇතුලත් වීමෙදී ඔබගේ ජපන් භාෂා දැනුම N5 මට්ටමේ තිබීම ප්‍රමාණවත් වේ.

මෙම intake එකෙන් ඇතුලත් වන සිසුන් සම්පූර්ණ අවුරුදු 2ක පමණ කාලයක් ජපන් භාෂාව හැදෑරිය යුතුය.

• July intake -

මෙම කාර්තුව ජපන් භාෂා පාසල් අතර එතරම් ප්‍රසිද්ධ නොවේ.

මෙහිදී ඇතුලත් කරගන්නා සිසුන් අප්‍රේල් මාසයේ ඇතුලත් කරගත් සිසුන් සමඟම බොහෝ දුරට එකතු කරන බැවින් මෙම intake එකට ඇතුලත් වීමේදී ඔබගේ ජපන් භාෂා දැනුම N5-N4 මට්ටමේ තිබීම ඉතාමත් සුදුසු වේ.

මෙම intake එකෙන් ඇතුලත් වන සිසුන් සම්පූර්ණ අවුරුදු 1 මාස 9ක පමණ කාලයක් ජපන් භාෂාව හැදෑරිය යුතුය.

• October intake

මෙය ප්‍රධාන කාර්තුවක් ලෙස සැලකුවද සමහර ජපන් භාෂා පාසල් තුල මෙම කාර්තුව දැකිය නොහැක.

මෙහිදී ඇතුලත් කරගන්නා සිසුන් බොහෝ දුරට අප්‍රේල් මාසයේ ඇතුලත් කරගත් සිසුන් සමඟම එකතු කරනු ලැබේ.

මෙම කාර්තුවට අයදුම් කිරීමේදී ජපන් භාෂා දැනුම N4 මට්ටමේ තිබීම ප්‍රමාණවත්ය.

මෙම intake එකෙන් ඇතුලත් වන සිසුන් සම්පූර්ණ අවුරුදු 1 මාස 6ක පමණ කාලයක් ජපන් භාෂාව හැදෑරිය යුතුය.

• January intake

මෙම කාර්තුව බොහෝ පාසල් වල දැකිය නොහැකි අතර සිසුන් අතරද මෙය ප්‍රසිද්ධ නොවේ.

නමුත් මෙම කාර්තුව සඳහාද ජපානයට සිසුන් පැමිණෙන අතර තමන්ගේ භාෂා දැනුම N3 මට්ටෙම් හෝ ඊට ආසන්නව පවතින සිසුන් මෙයට අයදුම් කරයි.

මෙම intake එකෙන් ඇතුලත් වන සිසුන් සම්පූර්ණ අවුරුදු 1 මාස 4ක පමණ කාලයක් ජපන් භාෂාව හැදෑරිය යුතුය.

මෙසේ කාර්තු 4ක් යටතේ පැමිණෙන සිසුන් එකම කාලයකදී ජපන් භාෂා පාසල් වලින් ඉවත් වීම සිදු කරයි.

ඉන් පසුව ඔවුන්ගේ කැමැත්ත පරිදි ඔවුන් උසස් අධ්‍යාපනය සඳහා vocational school (専門学校) හෝ විශ්ව විද්‍යාලයට (大学) ඇතුලත් වේ.

උසස් අධ්‍යාපනයට ඇතුළු වීමේදී සිසුන්ගේ ජපන් භාෂා දැනුම අවම N2 මට්ටමේ තිබිය යුතු අතර ජපන් භාෂා පාසල් අධ්‍යාපන කාලය තුලදී එම මට්ටමට පැමිණිය යුතුය.

උසස් අධ්‍යාපන කාලය vocational school එකක අවම අවුරුදු 2ක් පමණ වන අතර university එකක අවුරුදු 4ක් පමණ වේ.

මෙම අධ්‍යන කාල සීමාවෙන් පසුව ජපානයේ රැකියාවකට යොමුවිය හැක. එහෙත් මෑතකදී ජපන් භාෂාව පාසැලේ ඉගෙනුම කර අවසානයේදී SSW හෝ රැකියාවකට යොමු විය හැකිය .